jueves, 28 de junio de 2012

Escoita a canción de Muse para os Xogos Olímpicos


Non se fixeron de rogar Muse á hora de mostrarnos o estilo do seu novo disco; hai só unhas semanas que nos deron os detalles do lanzamento e agora, case sen previo aviso, chega xa este Survival. A banda deixou ben claro na radio británica que o tema non é o primeiro single de The 2nd Law senón un adianto do disco que será a canción oficial dos Xogos Olímpicos de Londres este verán.
Se o son de The Resistance xa era cargado e denso, o deste novo disco vai aínda máis lonxe. Excesivo? Posiblemente, que cada quen xulgue. Muse atópanse cómodos neste estilo e o máis probable é que sexa o predominante nun álbum que, segundo aseguran, será "diverso".
O tema xa se pode conseguir na iTunes Store por 1,29€.

No hay comentarios:

Publicar un comentario